Ernæring og fysisk aktivitet

Fra siden til Høgskulen i Volda:

Krav til forkunnskapar

Ingen. 

Om emnet

Fysisk aktivitet og ernæring er sentralt i både idrett, daglegliv og i arbeid for å fremje folkehelse. Ved fullføring av emnet skal studenten kunne rettleie innan kosthald og ernæring i forhold til fysisk aktivitet, idrettsprestasjon, helse og vekt, samt trivsel knytt til mat. Studentane skal gjennom emnet tileigne seg teoretisk og praktisk kunnskap. Emnet gir ei grunnleggande innføring i kosthald og praktisk rettleiing av personar med ulike mål.

Dette er eit obligatorisk emne i bahelor idrett og kroppsøving. Emnet kan også takast som eit frittståande studium. 

Innhald

Funksjon, omsetnad, behov og utnytting av næringsstoff

Nasjonale anbefalingar for inntak av dei ulike næringsstoffa og kosttilskot

Kosthaldsinformasjon

Idrettsernæring

Læringsutbytte
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Studenten skal kunne

gjere greie for og vurdere matvarer sitt innhald av næringsstoff

gjere greie for bakgrunn og innhald i dei nasjonale kostanbefalingane

gjere greie for kosthald/næring og væskeinntak knytt til fysisk aktivitet og trening

kunne planlegge og vurdere kosthald knytt til fysisk aktivitet og trening i ulike grupper av befolkninga

Ferdigheiter

Studenten kan

registrere, berekne og vurdere næringsinnhaldet i ulike måltid

sette opp kosthaldsplan og gi praktisk rettleiing for personar med ulike mål og føresetnader

Generell kompetanse

Studenten:

kan sjølvstendig analysere, vurdere og planlegge kosthald for ulike individ knytt til fysisk aktivitet, idrettsprestasjon og god helse.

Praktisk organisering og arbeidsmåtar

Canvas er læringsplattforma. Emnet er eit nettstudium. Emnet har både teoretisk og praktisk tilnærming til fagområda. Det blir gitt innspelt undervisning til kvar modul i Canvas. Studiet er organisert i tre modular, med eitt individuelt arbeidskrav knytt til kvar modul. Modulane må vere godkjende før ein kan gå vidare til neste modul.  

Modul 1: Grunnleggande ernæringslære

Modul 2: Helse og ernæring

Modul 3: Idrett og ernæring

Vilkår for å framstille seg til eksamen

Arbeidskrav: 

Følgjande arbeidskrav skal gjennomførast:

Modul 1: Fleirsvarsoppgåve i Canvas

Modul 2: Lage individuelt eit 5 min. fagleg innlegg knytt til tema i pensum. innlegget skal filmast og leverast i Canvas.

Modul 3: Studenten skal levere ei skriftleg oppgåve i Canvas med tema knytt til pensum (omlag 1500 ord).